स्मृतिसूक्तयः (गौः)
<poem> १. अनातिथ्यं च दुःखित्वं
- गोमतो न कदाचन । - बृहत्पराशरसंहिता, ५/१८७
२. आचार्यं च प्रवक्तारं
- पितरं मातरं गुरुम् ।
- न हिंस्याद् ब्राह्मणान् गांश्च
- सर्वांश्चैव तपस्विनः ॥ - मनुस्मृतिः, ४/१६२
३. कुष्ठी गोवधकारी स्या-
- न्नरकान्तेऽस्य निष्कृतिः । - शातातपस्मृतिः, श्लोकः ४४
४. गां न हत्यात् कदाचन । - वृद्धगौतमस्मृतिः १२/ १२
५. गावो लोकस्य मातरः । - वृद्धगौतमस्मृतिः १२/ २२
६. गवां हि तीर्थे वसतीह गंगा । - विष्णुस्मृतिः, अध्यायः २४, पृ. ४५३
७. गोदुग्धं गोमयं क्षीरं
- दधि तक्रं तथा घृतम् ।
- गोपुच्छं पश्चिमे भागे
- एते सर्वे पवित्रकाः ॥ - आंगिरसस्मृतिः, श्लोकः १५६
८. गौरवत्सा न दोग्धव्या । - बृहत्पराशरस्मृतिः ५/१६
९. पातकानि कुतस्तेषां
- येषां गृहमलंकृतम् ।
- सततं बालवत्साभिः
- गौभिः श्रीभिरिव स्वयम् ॥ - बृहत्पराशरस्मृतिः ५/२९
१०. पृथिव्यां यानि तीर्थानि
- आसमुद्रं सरांसि च ।
- गवां श्रृंगोदकस्नान्-
- कलां नार्हन्ति षोडशीम् ॥ - बृहत्पराशरस्मृतिः, ५/ २८
११. ब्राह्मणाश्चैव गावश्च
- कुलमेकं द्विधा कृतम् । - बृहत्पराशरस्मृतिः ५/३०
१२. लोकेऽस्मिन् मङ्गलान्यष्टौ
- ब्राह्मणो गौर्हुताशनः ।
- हिरण्यं सर्पिरादित्य
- आपो राजा तथाऽष्टमः ॥ - नारदस्मृतिः, नित्याचारप्रदीपः प्रथमभागः,पृ.४९१
१३. विष्णोः प्रधानतनवो
- विप्रा गावश्च वैष्णवाः । - वृद्धहारीतस्मृतिः ११/३१०
१४. शकृन्मूत्रं हि यस्यास्तु
- पीतं दहति पातकम् ।
- किमपूज्यं हि तस्याः
- गोरिति पाराशरोऽब्रवीत् ॥ - बृहत्पराशरस्मृतिः, ५/ १५
१५. हरन्ति स्पर्शनात् पापं
- पयसा पोषयन्ति याः ।
- प्रापयन्ति दिवं दत्ताः
- पूज्या गावः कथं न ताः ॥ - बृहत्पराशरस्मृतिः, ५/१३